Zëvendëskryetari i Komunës së Kllokotit, Milos Stojkovic, në një emision televiziv në Serbi, ka thënë se  lideri i AAK’së Ramush Haradinaj, ka vrarë dhe kidnapuar njerëz, dhe se Haradinaj duhet të ekstradohet në Serbi, përcjell Arbresh.

Kundër kësaj deklarate ka dalë Partia Demokratike e Kosovës, në Kllokot e cila përmes një kumtese, i ka quajtur shpifje dhe deklarata të cilat nxisnin urrejtje.

“Ne i konsiderojmë deklarata tendencioze të tij që nxisin edhe konflikt ndëretnik në Kllokot. Të gjithë e dimë se Lufta e Ushtrisë Çlirimtare të Kosovës ishte e drejt dhe e pastër, dhe Ramush Haradinaj u shpall i pafajshëm nga Tribunali i Hagës”.

PDK në Kllokot,  ka kërkuar edhe shkarkimin e tij.

“Kërkojmë nga Kryetari i Komunës Kllokotit Streqko Spasic të Shkarkoj menjëherë Zëvendës Kryetarin e Komunës Kllokotit Milos Stojkovic. Kërkojmë nga organet  të drejtësisë së Kosovës të merren me këto deklarata nxitëse,, të urrejtjes dhe shpifjes”, thuhet në kumtesë.

Ndërsa, në seancën e fundit, trupi gjykues në Colmar të Francës ka deklaruar se me datën 27 prill do të merret vendimi lidhur me akuzat e bëra nga shteti serb në drejtim të liderit të AAK-së, Ramush Haradinaj./arbresh.info